«Ինտերը» հաղթեց «Բենֆիկային». Մխիթարյանը մասնակցեց ամբողջ հանդիպմանը

Չեմպիոնների լիգայի 1/4 եզրափակչի առաջին խաղում «Ինտերը» Պորտուգալիայում մրցեց «Բենֆիկայի» հետ և հաղթեց 2:0 հաշվով։

«Ներաձուրիների» կազմում գոլի հեղինակներ դարձան Նիկոլո Բարելան և Ռոմելու Լուկակուն։ Վերջինս անվրեպ է իրացրել 11-մետրանոց հարվածը։

Հենրիխ Մխիթարյանն «Ինտերի» մեկնարկային կազմում էր և խաղաց մինչև եզրափակիչ սուլիչը։

Պատասխան խաղը կկայանա ապրիլի 19-ին։