Հրայր Մկոյանը հեռացավ «Արարատից»

Փորձառու պաշտպան Հրայր Մկոյանն ավարտում է իր ելույթներն «Արարատի» կազմում: Ակումբի մամուլի ծառայության փոխանցմամբ, ավարտվել է ֆուտբոլիստի և թիմի միջև պայմանագրի ժամկետը:

Մկոյանն «Արարատին» էր միացել 2020 թվականի աշնանը։ Երևանյան ակումբի կազմում պաշտպանն ընդհանուր մասնակցել է 116 հանդիման ու դարձել 1 գոլի հեղինակ։

«Արարատ» ֆուտբոլային ակումբը շնորհակալություն է հայտնել Հրայր Մկոյանին կատարած աշխատանքի, պրոֆեսիոնալիզմի և նվիրման համար ու հաջողություններ մաղթել հետագա կարիերայում: