ՀՊԼ. «Վանն» ու «Ուրարտուն» թեժ պայքարում չպարզեցին հաղթողին

Հայաստանի առաջնության 17-րդ տուրում «Վանն» ու «Ուրարտուն» թեժ պայքարում չկարողացան պարզել հաղթողին։

Արտագնա խաղում նախ հաշիվը բացեց չեմպիոնը. 11-մետրանոցից գոլի հեղինակ դարձավ Թեմուր Ջիկիան, ապա տանտերերից հաշիվը հավասարեցրեց Քրիստոֆեր Բոնիֆեյսը։

Խաղավերջում Էդուարդոն կրկին առաջ մղեց երևանյան թիմին, սակայն դրանից հետո «Ուրարտուի» 2 ֆուտբոլիստ` Եվգենի Ցիմբալյուկն ու Մարկոս Ժունիորը հեռացվեցին խաղադաշտից։

«Վանն» առիթից օգտվելով խփեց պատասխան գնդակը. իր թիմին պարտությունից փրկեց Սանին Բուհարին։

Վերջում կարմիր քարտ ստացավ նաև տանտերերի ֆուտբոլիստ Չուկվուեբուվա Օկորոնկվոն։