ՀՖՖ-ն մեկնարկել է ԱԼ-ի Հայաստան-Լատվիա խաղի տոմսերի վաճառքը

ՀՖՖ մամուլի ծառայությունը հայտարարել է Ազգերի լիգայի առաջիկա խաղարկության՝ Հայաստան — Լատվիա հանդիպման տոմսերի վաճառքի մեկնարկի մասին:

Մրցաշարի մեկնարկային խաղը կկայանա սեպտեմբերի 7-ին, Վազգեն Սարգսյանի անվան «Հանրապետական» մարզադաշտում և կսկսվի 20:00-ին:

Տոմսերը հնարավոր է առցանց ձեռք բերել https://tickets.ffa.am կայքում:

Տոմսերը հնարավոր է գնել միայն անձնագրային նույնականացում անցնելուց հետո։ Մեկ անձը կարող է գնել ոչ ավելի, քան 4 տոմս։ Նույնականացման համար անհրաժեշտ տվյալները մուտքագրելուց հետո պետք է սպասել նույնականացման հաստատմանը, որը կատարվում է յուրաքանչյուր օր՝ 10։00-20։00՝ 10-15 րոպեի ընթացքում:

Տոմսերի արժեքներն են՝

Հյուսիսային և Հարավային տրիբունաներ՝ 1000-3000 դրամ

Արևելյան տրիբունա՝ 5000-12000 դրամ

Արևմտյան տրիբունա՝ 10000-16000 դրամ