Հայտնի է Ֆարերյան կղզիներ - Հայաստան խաղի մրցավարական կազմը

Ազգերի լիգայի խաղարկության 3-րդ տուրի Ֆարերյան կղզիներ-Հայաստան հանդիպումը կսպասարկի ուկրաինական մրցավարական անձնակազմը։ Այս մասին հայտնում է ՈՒԵՖԱ-ի պաշտոնական կայքը։

Հանդիպման մրցավար է նշանակվել Օլեքսի Դերևինսկին, մրցավարի օգնականները կլինեն Սեյմոն Շլոնչակը և Վիկտոր Մատյաշը: Հանդիպման 4-րդ պաշտոնյան կլինի Վիտալի Ռոմանովը, իսկ VAR-ի պատասխանատուները կլինեն Նիկոլա Բալակինը և Դենիս Շուրմանը։

Ֆարերյան կղզիներ — Հայաստան հանդիպումը կկայանա հոկտեմբերի 10-ին՝ Երևանի ժամանակով 22։45-ին։