Fastex ՊԼ 9-րդ տուրի վերջին խաղում «Ուրարտուն» սեփական հարկի տակ ընդունել էր «Նոային»: Խաղն ավարտվեց 2:1 հաշվով՝ հօգուտ տանտերերի:
«Ուրարտուի» կազմում առաջին խաղակեսին ավելացրած 5-րդ րոպեին խաղի հաշիվը բացեց Էրիկ Սիմոնյանը: 59-րդ րոպեին Մաթեուս Այասը «Նոային» վերադարձրեց խաղի մեջ, բայց 7 րոպե անց Գիլմուրը առաջ մղեց «Ուրարտուին»: Այասը 81-րդ րոպեին նորից գրավեց «Ուրարտուի» դարպասը, սակայն VAR-ը գոլի դրվագում խաղից դուրս իրավիճակ արձանագրեց: Հիմնական ժամանակին ավելացրած 9-րդ րոպեին Այասը կարող էր փրկել իր թիմին պարտությունից, սակայն 11-մետրանոցի նշակետից բարձր հարվածեց:
Այսպիսով՝ «Ուրարտուն» վաստակեց 16 միավոր և բարձրացավ 3-րդ հորիզոնական, «Նոան» 10 միավորով 6-րդ տեղում է:
© Armenian Soccer 2024