«Արարատ-Արմենիան» հայտարարություն է տարածել Հայաստանի առաջնության 13-րդ տուրի «Նոայի» դեմ խաղում (0:1) տեղի ունեցած տհաճ միջադեպի վերաբերյալ։
«Երեկ «Արարատ-Արմենիա» – «Նոա» հանդիպման ընթացքում տեղի է ունեցել տհաճ միջադեպ: «Արարատ-Արմենիա» ակումբը ցավում է տեղի ունեցածի համար և հույս հայտնում, որ միջադեպը կհարթվի:
Հաջողություն ենք մաղթում «Նոային» Կոնֆերենցիաների լիգայում և բոլորիս մաղթում դիտարժան ֆուտբոլ Հայաստանի Պրեմիեր լիգայում»,- տարածել է «Արարատ-Արմենիան»:
Նշենք, որ ակումբներից ոչ մեկի կողմից չի մանրամասնվել, թե հատկապես ինչ է տեղի ունեցել խաղի ընթացքում: Հետխաղյա մամուլի ասուլիսի ժամանակ «Նոայի» գլխավոր մարզիչ Ռուի Մոտան հայտարարել է, որ «Արարատ-Արմենիայի» երկրորդ մարզիչը թունելում հարվածել է իրեն:
© Armenian Soccer 2024