Անտոնի Թումանյանը պայմանագիր է կնքել ֆրանսիական ակումբի հետ

20-ամյա հայ պաշտպան Անտոնի Թումանյանը պայմանագիր է կնքել ֆրանսիական «Լիոն լա Դուշեր» ակումբի հետ։

Թումանյանը մինչ այս հանդես էր գալիս «Ստրասբուրգի» երկրորդ թիմի կազմում։

Անտոնի Թումանյանը նախկինում ևս հանդես է եկել «Լիոն լա Դուշեր» ակումբի համակարգում՝ մինչև 19 տարեկանների թիմում, որտեղից էլ տեղափոխվել էր ստրասբուրգյան ակումբ։

Թումանյանը երկու հանդիպում է անցկացրել Հայաստանի Մ18 հավաքականի կազմում։

«Լիոն լա Դուշերը» հանդես է գալիս Ֆրանսիայի Ազգային երրորդ լիգայում (5-րդ դիվիզիոն)։ Անտոնին Լիոնի «Օլիմպիկի» ակադեմիայի սան է։