Ալեքսանդր Կովալենկոն` «Զենիթի» ֆուտբոլիստ

Ռուսաստանի չեմպիոն «Զենիթն» իր սոցիալական ցանցերում հայտարարել է Ալեքսանդր Կովալենկոյի տեղափոխության մասին։

Ֆուտբոլիստի հետ պայմանագիրը հաշվարկված է մինչև 2028 թվականը։ Կովալենկոն, որն օգոստոսին կդառնա 20 տարեկան, «Չերտանովոյի» սան է։

2022 թվականի ձմռանը նա տեղափոխվել է «Կռիլյա Սովետով», որի հետ իր նորամուտը նշել է ՌՊԼ-ում Տուլայի «Արսենալի» դեմ խաղում։ 2022 թվականի ամռանը նա պայմանագիր է կնքել «Սոչիի» հետ, սակայն վարձավճարով շարունակել է հանդես գալ Սամարայի թիմում։

Կիսապաշտպանն այս մրցաշրջանում «Կռիլյա Սովետովի» կազմում անցկացրել է պաշտոնական 30 հանդիպում, խփել 2 գոլ և գոլային 3 փոխանցում կատարել։

2022 թվականի աշնանը Կովալենկոն առաջին անգամ հրավիրվել է Ռուսաստանի հավաքական։ Սեպտեմբերի 24-ին նա իր նորամուտն է նշել ազգային թիմում` Ղրղզստանի հավաքականի հետ ընկերական խաղում։