Ծառուկյանը գեղեցիկ գոլ է խփել, «Նիժնի Նովգորոդն» ու «Ռոստովը» ոչ-ոքի են խաղացել

ՌՊԼ 12-րդ տուրում «Նիժնի Նովգորոդը» սեփական հարկի տակ ընդունել է «Ռոստովին»: Խաղն ավարտվել է ոչ-ոքի՝ 1:1 հաշվով:

Երկու թիմերի կազմում հանդիպմանը մասնակցել են հայ ֆուտբոլիստները, որոնցից Վալերի Ծառուկյանը «Նիժնի Նովգորոդի» կազմում փոխարինման է մտել 64-րդ րոպեին և 75-րդ րոպեին բացել հանդիպման հաշիվը: Խորեն Բայրամյանը «Ռոստովի» մեկնարկային կազմում է եղել և փոխարինվել է 82-րդ րոպեին:

Այս ոչ-ոքիից հետո «Ռոստովը» 13 միավորով 8-րդ հորիզոնականում է, «Նիժնի Նովգորոդը» 12 միավորով 11-րդն է: