Մեկնարկել է «Փյունիկ» - «Սլովան» հանդիպման տոմսերի առցանց վաճառքը

Սեպտեմբերի 15-ին, Կոնֆերենցիաների Լիգայի 2022/23թթ․ խաղարկության խմբային փուլի խաղում «Փյունիկը» Վազգեն Սարգսյանի անվան «Հանրապետական» մարզադաշտում ընդունելու է Սլովակիայի չեմպիոն «Սլովանին» (Բրատիսլավա)։

Խաղը կսկսվի ժամը 20:45-ին։

Խաղի տոմսերի առցանց վաճառքն արդեն մեկնարկել է. տոմսերն օնլայն կարող եք ձեռք բերել այս հղմամբ։

Տոմսերը կարող եք գնել նաև Վազգեն Սարգսյանի անվան «Հանրապետական» մարզադաշտի տոմսարկղերից՝ սեպտեմբերի 11-ից սկսած, ժամը 11:00-ից։ Տոմսարկղերը կաշխատեն մինչև 19:00-ն։

Նշենք, որ 1 անձը կարող է ձեռք բերել 5 տոմսից ոչ ավելի։

Տոմսերի գները հետևյալն են՝

Արևմտյան տրիբունա` 3000 դրամ

Արևելյան տրիբունա՝ 1000 դրամ

Հյուսիսային և հարավային տրիբունա՝ 500 դրամ։