Հայաստանի հավաքականի հարձակվողը հեռացավ «Նոայից»

Հայաստանի ազգային հավաքականի հարձակվող Ալեկսանդր Կարապետյանը հեռացել է «Նոայից»:

Այս մասին տեղեկացնում է երևանյան ակումբի մամուլի ծառայությունը՝ նշելով, որ պայմանագիրը ֆուտբոլիստի հետ խզվել է երկկողմանի համաձայնությամբ: Ակումբը

շնորհակալություն է հայտնում Կարապետյանին ցուցաբերած բարձր որակների և պրոֆեսիոնալիզմի համար ու մաղթում հաջողություններ իր հետագա կարիերայում:

Հիշեցնենք, որ Կարապետյանը «Նոա» էր տեղափոխվել այս ամռանը՝ «Արարատ-Արմենիայից»:

Ֆուտբոլիստը «Նոայի» կազմում անցկացրել է 12 խաղ VBET ՀՊԼ-ու ու գավաթի շրջանակներում՝ դառնալով 4 գոլի հեղինակ: