Մայիսի 26-ին՝ ՀՖՖ Տեխնիկական կենտրոն/ֆուտբոլի ակադեմիայում, կայացավ VBET Ֆուտզալ Լիգա Հայաստանի 2022թ գավաթի եզրափակիչ «Երևան»-«Արարատ-Արմենիա» հանդիպումը։ 5:2 հաշվով հաղթեց «Երևան» ՖԱ-ն՝ դառնալով Հայաստանի գավաթակիր: Հիշեցնենք, որ այս 2 թիմերը ավելի վաղ հանդիպել էին նաև Հայաստանի ֆուտզալի 2021-2022 Բարձրագույն խմբի առաջնության եզրափակչում, որտեղ Հայաստանի չեմպիոնի տիտղոսը կրկին նվաճել էր «Երևանը»:
Հանդիպումից առաջ կայացավ անցած մրցաշրջանի լավագույնների պարգևատրությունը:
-Բարձրագույն խմբի 2021/2022 թ. առաջնության լավագույն ֆուտբոլիստ Սարո Գալստյան (Երևան ՖԱ)
-Բարձրագույն խմբի 2021/2022 թ. առաջնության լավագույն ռմբարկու՝ Էդվարդ Մկրտչյան (ՀՊՏՀ Երևան)
-Առաջին խմբի 2021/2022 թ. առաջնության լավագույն ռմբարկու՝ Վահան Սարգսյան (Էկովիլ)
-Հայաստանի 2021 թ. լավագույն մարզիչ՝ Ռուբեն Նազարեթյան
©2022 Armenian Soccer