Հունվարի 10-ին մարզումները վերսկսեց նաև ՀՀ 1–ին խմբի առաջնության մասնակից Երևանի «Ուրարտու-2»-ը։ Ինչպես հայտնում են երևանյան ակումբի մամուլի ծառայությունից, Արամ Հակոբյանի գլխավորած թիմը նախապատրաստական շրջանում 5 ստուգողական հանդիպում կանցկացնի։
Հունվարի 21-ին «Ուրարտու-2»-ը կխաղա «Դիլիջանի» հետ (սկիզբը՝ 12:30), հունվարի 30-ին՝ «Սևանի», փետրվարի 8-ին՝ «Արարատ-Արմենիա-2»-ի, փետրվարի 14-ին՝ «Ալաշկերտ-2»-ի և փետրվարի 21-ին «Արարատ-2»-ի հետ։
Հավելենք, որ ՀՀ 1-ին խմբի առաջնությունը վերսկսվում է փետրվարի 28-ից։ Տարվա առաջին պաշտոնական խաղում «Ուրարտու-2»-ը սեփական հարկի տակ կմրցի «Մասիսի» հետ։
©2020 Armenian Soccer