«Ուրարտուն» սպորտային նոր տնօրեն ունի

«Ուրարտու» ֆուտբոլային ակումբը նոր սպորտային տնօրեն ունի: Այս մասին տեղեկացնում է երևանյան ակումբի մամուլի ծառայությունը։

Այդ պաշտոնում է նշանակվել Սամվել Առուստամյանն, ով ֆուտբոլային բնագավառում աշխատելու բազմամյա փորձ ունի: Նախկինում Առուստամյանն աշխատել է «Փյունիկում»՝ նախ՝ որպես ֆուտբոլային սելեկցիոներ, ապա՝ սպորտային տնօրեն:

Ակումբը շնորհավորել է Սամվել Առուստամյանին նշանակման կապակցությամբ և մաղթել մեծ հաջողություններ ու արդյունավետ աշխատանք: