«Շիրակը» վերադարձավ արձակուրդից

Այսօր՝հունվարի 7-ին ՀՀ բարձրագույն խմբի առաջնության մասնակից Գյումրիի «Շիրակ» ՖԱ-ն վերադարձավ ձմեռային արձակուրդից և սկսեց 2019/20 թթ․ մրցաշրջանի 2-րդ փուլի նախապատրաստական ուսումնամարզական հավաքը Գյումրու Ֆուտբոլի Ակադեմիայում: Այս մասին հայտնում են Գյումրիի թիմի մամուլի ծառայությունից: Այս ընթացքում «Շիրակը» կանցկացնի 3 ընկերական հանդիպումներ: Այսօր «Շիրակին» է միացել «Գանձասար- Կապանի» նախկին խաղացող, 24-ամյա հենակետային կիսապաշտպան, 100 հազար եվրո տրանսֆերային արժեք ունեցող Վարդան Արզոյանը:
Այնուհետև «Շիրակի» ֆուտբոլիստներն փետրվարին կմեկնեն արտերկրյա հավաքի: