Մխիթարյանը մի քանի շաբաթ խաղադաշտ դուրս չի գա

«Ռոմայի» կիսապաշտպան Հենրիխ Մխիթարյանը վնասվածքի պատճառով ստիպված կլինի մի քանի շաբաթով լքել խաղադաշտը։ Այս մասին հայտնում է Calciomercato-ն:

Ըստ իտալական պարբերականի` ֆուտբոլիստը մկանների հետ կապված խնդիր է ունեցել օրեր առաջ կայացած «Լեսթերի» հետ խաղում, որի պատճառով էլ փոխարինվել էր:

Նշվում է, որ հայ ֆուտբոլիստը խաղադաշտ կվերադառնա հավանաբար ամսվա վերջին։

Այսպիսով, Մխիթարյանը ստիպված կլինի բաց թողնել ինչպես Ա Սերիայի առաջիկա հանդիպումներն, այնպես էլ Կոնֆերենցիաների լիգայի խաղարկության կիսաեզրափակչի «Լեսթերի» հետ պատասխան հանդիպումը:

Հիշեցնենք, որ առաջին խաղն ավարտվել է ոչ-ոքի` 1:1 հաշվով:

Պատասխան հանդիպումը կկայանա մայիսի 5-ին։