Մխիթարյանը՝ «Ռոմա»-«Ատալանտա» հանդիպման լավագույն ֆուտբոլիստ

Իտալիայի A Serie-ի 28-րդ տուրում Հենրիխ Մխիթարյանի «Ռոման» սեփական հարկի տակ նվազագույն հաշվով հաղթեց «Ատալանտային»։ Հանդիպման միակ գոլն առաջին կեսում խփեց Թեմի Աբրահամը։

Հայաստանի ազգային հավաքականի արդեն նախկին ֆուտբոլիստ Հենրիխ Մխիթարյանը «Ռոմայի» մեկնարկային կազմում էր և հեռացվեց խաղադաշտից հանդիպման հիմնական ժամանակին ավելացված 6-րդ րոպեին՝ ստանալով 2-րդ դեղին քարտը։

Մխիթարյանն 1-ին դեղին քարտը ստացել էր 66-րդ րոպեին։

Նշենք, որ չնայած հեռացմանը՝ Մխիթարյանը ճանաչվել է հանդիպման լավագույն ֆուտբոլիստ: