ՀՊԼ. «Վանն» ու «Արարատ-Արմենիան» հաղթանակներ տոնեցին

Fastex Հայաստանի Պրեմիեր լիգայի 16-րդ տուրի շրջանակում «Արարատ-Արմենիան» հյուրընկալվեց «Նոային» և հաղթեց 2:1 հաշվով։

Հյուրերի կազմում գոլի հեղինակներ դարձան Ուգո Ֆիրմինուն և Տետոն Եննեն։

«Նոայի» միակ գոլը հեղինակեց Դրամանե Սալուն։

Զուգահեռ ընթացող խաղում էլ, որն ընթանում էր 17-րդ տուրի շրջանակում, «Վանն» ընդունեց «Ալաշկերտին»:

Խաղն ավարտվեց 1:0 հաշվով ` տանտերերի հաղթանակով։

Չարենցավանցիների հաղթանակն ապահովեց Ահմեդ Մուբարաքի գոլը։

Այս խաղերից հետո «Արարատ-Արմենիան» 35 միավորով գտնվում է 2-րդ տեղում, իսկ «Ալաշկերտը» 34 միավորով 3-րդն է։

«Վանը» 23 միավորով 5-րդ տեղում է, իսկ «Նոան» 5 միավորով եզրափակում է մրցաշարային աղյուսակը։