Անթալիայում ընթացող ուսումնամարզական հավաքի շրջանակում ՀՀբարձրագույն խմբի առաջնության միանձնյա առաջատար Վանաձորի Լոռին» հերթական ստուգողական հանդիպումում ընկարական խաղում մրցեց Մոսկվայի «Լոկոմոտիվ-2»-ի ՝ 19տարեկանների թիմի հետ ու զիջեց նվազագույն՝0:1 հաշվով։
«Լոռիի» գլխավոր մարզիչ, իսպանացի մասնագետ Դավիդ Կամպանյան խաղադադաշտ էր հանել հետևյալ մեկնարկային կազմը՝
Վարդան Շահատունի — Ջիաննի, Տոդե Ջակովիչ, Ալեքսանդր Յեուլե, Քրիստիան Խիմենես — Խուլիան Մենդոսա, Յերայ Խիմենես, Ռոբերտ Մինասյան, Արման Մկրտչյան, Վահագն Այվազյան — Դավիթ Ղանդիլյան:
Խաղի միակ գոլը 17 -րդ րոպեին խփեց Մաքսիմ Տուրիշչևը օգտվելով այն հանգամանքից , որ «Լոռի» դարպասապահ Վարդան Շահատունն զգալիորեն առաջ էր եկել իր տեղից:
Հաջորդ հանդիպումը «Լոռին» կանցկացնի փետրվարի 16-ին։ Մրցակիցը կլինի Դանիայի 2-րդ դիվիզիոնը ներկայացնող « Ֆրեմադ Ամագերը»։
ԷԴԳԱՐ ՊԵՏՐՈՍՅԱՆ
©2020 Armenian Soccer