Այսօր ` հոկտեմբերի 6-ին, կայացան Հայաստանի գավաթի խաղարկության 1/8 եզրափակիչի վերջին հանդիպումները։
«Վանը» հյուրընկալվեց «Լեռնային Արցախին» և հաղթեց 3:1 հաշվով։
Չարենցավանցիների հաղթանակն ապահովեցին Մուբարաք Մուհամմեդի, Բոգդան Միցիկի և Սանին Բուհարիի գոլերը։
Տանտերերի միակ գոլը խփեց Օջետունդեն։
«Նոան» արտագնա խաղում նվազագույն հաշվով հաղթեց ԲԿՄԱ-ին։
Հյուրերի գոլը հեղինակեց Դրամանե Սալուն, որը խաղի մեկնարկում հստակ իրացրեց վաստակած 11-մետրանոց հարվածը։
Այսպիսով, Հայաստանի Գավաթի խաղարկության 1/4 եզրափակիչում կմրցեն «Արարատ-Արմենիան», «Շիրակը», «Գանձասարը», «Ալաշկերտը», «Վանը», «Նոան», Հայաստանի Պրեմիեր լիգայի գործող չեմպիոն «Փյունիկն» ու գավաթի նախորդ խաղարկության եզրափակիչի մասնակից «Ուրարտուն»:
Քառորդ եզրափակիչի զույգերը կորոշվեն վիճակահանությամբ։
©2022 Armenian Soccer