ԿԼ. «Փյունիկն» արտագնա խաղում պարտվեց «Սլովանին»

Կոնֆերենցիաների լիգայի խմբային փուլի 5-րդ տուրում «Փյունիկը» հյուրընկալվեց «Սլովանին»:

Բրատիսլավայում կայացած հանդիպումն ավարտվեց 2:1 հաշվով ` տանտերերի հաղթանակով։

Առաջին խաղակեսում թիմերն այդպես էլ չկարողացան բացել խաղի հաշիվը։

Երկրորդ խաղակեսում բախտը ժպտաց երևանյան թիմին և «Փյունիկը» վաստակեց 11-մետրանոց հարվածի իրավունք։

Հյուրերի կազմից այն հստակ իրացրեց Եվգենի Կոչուկն ու առաջ մղեց թիմին հաշվի մեջ։

Այնուհետև խաղավերջին `ընդամենը մեկ րոպեի տարբերությամբ Դավիթ Յուրչենկոն բաց թողեց երկու գնդակ, և հենց այդ սխալն էլ վճռեց խաղի ելքը։

Զուգահեռ ընթացող խաղում «Բազելն» ընդունեց «Ժալգիրիսին» խաղն ավարտեց ոչ-ոքի` 2:2 հաշվով։

Այս տուրից հետո «Սլովանն» ու «Բազելը» ունենալով 8-ական միավոր զբաղեցնում են խմբի աղյուսակի համապատասխանաբար 1-ին և 2-րդ տեղերը։

«Փյունիկը» 6 միավորով նահանջել է 3-րդ հորիզոնական, իսկ «Ժալգիրիսը» 5 միավորով եզրափակում է աղյուսակը։