Եվս մեկ լեգիոնական համալրեց «Արարատի» կազմը

Երևանի «Արարատը» պայմանագիր է կնքել սերբ հարձակվողական ոճի կիսապաշտպան Դիմիտրի Պոբուլիչի հետ։Այս մասին հայտնում են երևանյան ակումբի մամուլի ծառայոթւյունից:
Պոբուլիչը ծնվել է 1994 թ մայիսի 10-ին: 26-ամյա ֆուտբոլիստը կարիերան սկսել է ՕՖԿ Բելգրադ ակումբում, որից հետո տեղափոխվել է «Տիմոկ Զայեչար»։
Որոշ ժամանակ հանդես է եկել նաև սերբական «Սինդելիչ», «Բրոդարաչ» և «Օդզաչի» ակումբներում։ 2019/20 մրցաշրջանում էլ «Ռադնիչկի Պիրոտ» ակումբում մասնակցել է 22 հանդիպման՝ դառնալով 10 գոլի հեղինակ։
«Ինձ ամեն ինչ դուր է գալիս այստեղ: Գիտեմ, որ հայկական ֆուտբոլն առաջադիմում է, և «Արարարտը» լավ է հանդես գալիս: Այստեղ կան լավ ֆուտբոլիստներ ու լավ մարզչական շտաբ: Թիմի սերբ ֆուտբոլիստներն ինձ շատ լավ բաներ են պատմել ակումբի մասին և լավ ակնկալիքներով եմ միանում թիմին»,- ասել է Դիմիտրիյե Պոբուլիչը:
2020/21 մրցաշրջանի առաջին հատվածն անցկացրել է սերբական Առաջի լիգայի «Գրաֆիչար» ակումբում՝ 12 խաղում դառնալով երկու գոլի հեղինակ:
Ի դեպ սերբ նորեկը երեկ «Արարատի» կազմում մասնակցել է «Շիրակի» հետ ընկերական խաղին: