Բելառուսի բարձրագույն խմբի ընթացիկ առաջնությունում ավարտվեցին 10-րդ տուրի հանդիպումները: Ստուգատեսին մասնակցող «հայկական» թիմերից մեկը, մրցաշարի հայտնությունը դարձած Մինսկի «Էներգետիկ-ԲԳՈՒ»-ն շարունակում է վերելքով հանդես գալ: Վերջինս երեկ՝ մայիսի 23-ին մրցակցի հարկի տակ, 400 հանդիսականների ներկայությամբ խաղի վերջին վայրկյաններին՝ 90+2-րդ րոպեին խփած գոլի շնորհիվ 2:1 հաշվով դժվարին ու արժեքավոր հաղթանակ կորզեց Մինսկի «Իսլոչի» նկատմամբ:Սա «հայկական» թիմի տոնած 4 –րդ անընդմեջ հաղթանակն էր , ու իր ակտիվում գրանցած 21 միավորով «Էներգետիկ-ԲԳՈՒն» պահպանեց իր 2 –րդ տեղը մրցշարային աղյուսակում, ու հիմա առաջատարից՝երկրի 15-ակի չեմպիոն Բորիսովոյի ԲԱՏԷ-ից ետ են մնում միայն 1 միավորով: «Էներգետիկ-ԲԳՈՒ»-ի կազմում այս խաղին մասնակցեց նաև ՀՀազգային հավաքականի թեկնածու համարվող , 22-ամյա բարձրահասակ կիսապաշտպան Հայկ Մուսախանյանն, ով իր թիմի մեկնարկային կազմում էր, սակայն 2-–րդ խաղակեսի հենց սկզբում՝ 46-րդ րոպեին փոխարինվեց: Հայկն այս առաջնությունում մասնակցել է իր թիմի 8 հանդիպման, ու այդ ընթացքում խաղդաշտում եղել է 531րոպե,և կոպիտ խաղի համար 2 անգամ արժանացել է կարմիր քարտի ու դրա պատճառով ստիպված է եղել բաց թողնել 1-ական հանդիպում:
«Հայկական» 2-րդ թիմը՝ Ժոդինոյի «Տորպեդո-ԲելաԱԶը» կորոնավիրուսի պատճառով թիմի ավագ՝ Անդրեյ Խաչատուրյանի ու էլի մի քանի առաջատար և առնացքային խաղացողների բացակայության պայմաններում 1:2 հաշվով Գրոդնոյում զիջեց «հայկական» 3 –րդ թիմին՝ «Նեմանին», որի կազմում վստահ հանդես եկող առաջնության լավագույն լեգիոներն, ու թիմի և առաջնության լավագույն ռմբարկուներից մեկը՝ ՀՀ ազգային հավաքականի կիսապաշտպան Գեղամի Ղադիմյանը գոլային փոխանցման հեղինակ դարձավ:Նա այժմ մասնակցած 10 խաղերում 6 գոլի և 2 գոլային փոխանցման հեղինակ է դարձել:
Նկատենք, որ Խաչատուրյանի թիմը 10 տուրից հետո վաստակած 18 միավորով 16թիմերի պայքարում զբաղեցնում է՝ 3-րդ, իսկ իր ակտիվում 11միավոր գրանցած «Նեմանը»՝ 13-րդ հորիզոնականը:
Հաջորդ ՝11-րդ տուրում Մուսախանյանի՝ «Էներգետիկ –ԲԳՈՒ»-ն մայիսիս 31-ին իր հարկի տակ լընդւոնի «Վիտեբսկին» , որը 13միավորով ընթանում է 8-դ տեղում:
Ղադիմյանի «Նեմանը մայիսի 29-ին կհյուրընկալվի «Գորդեային», իսկ Խաչատուրյանի «Տորպեդո –ԲելԱԶն» էլ նույն օրը սեփական հարկի տակ ուժերը կչափի Smolevichy-STI –ի հետ, որը ընթացիկ առաջնությունում դեռ հաղթանակ չի տոնել ու վաստակած 4 միավորով զբաղեցնում է նախավերջին՝ 15-րդ հորիզոնականը:
©2020 Armenian Soccer