Ասոյանի ինքնագոլն օգնեց «Ուրարտուին». «Նոան» ու ԲԿՄԱ-ն չկարողացան բացել խաղի հաշիվը

Այսօր ` հոկտեմբերի 18-ին կայացան Fastex Հայաստանի Պրեմիեր լիգայի 12-րդ տուրի երկու հանդիպումներ։

«Ուրարտուն» հյուրընկալվեց «Վանին»:

Խաղի ելքը վճռեց տանտերերի ֆուտբոլիստ Համլետ Ասոյանի ինքնագոլը, որի շնորհիվ «Ուրարտուն» նվազագույն հաշվով հաղթանակ տարավ։

«Նոան» ու ԲԿՄԱ-ն էլ այդպես էլ չկարողացան բացել խաղի հաշիվն ու հանդիպումն ավարտեցին գոլազուրկ ոչ-ոքիով։

Այս հանդիպումներից հետո «Ուրարտուն» գլխավորում է մրցաշարային աղյուսակը 28 միավորով։

«Վանը» 17 միավորով շարունակում է մնալ 5-րդ տեղում։

ԲԿՄԱ-ն 7 միավորով նախավերջին տեղում է, իսկ «Նոան» 5 միավորով եզրափակում է աղյուսակը։