Իտալական «Ատալանտան» արձագանքել է Սպերցյանի մասին լուրերին

«Ատալանտայից» մեկնաբանել են ավելի վաղ ռուսական մամուլում տարածված տեղեկությունները, համաձայն որոնց իրենք դեռ շարունակում են հետաքրքրվել Հայաստանի հավաքականի և ռուսական «Կրասնոդարի» կիսապաշտպան Էդուարդ Սպերցյանով:

«Ատալանտայի» սպորտային տնօրենը VseProSport-ի հարցին, թե արդյոք ճիշտ են Սպերցյանի ծառայություններով հետաքրքրված լինելու մասին լուրերը, տվել է ժխտական պատասխան:

Ռուսական ԶԼՄ-ներում մասնավորապես նշվում էր, որ Սպերցյանի գործակալ Ռաֆայելա Պիմենտան վերջերս հանդիպում է ունեցել իտալական ակումբի ներկայացուցիչների հետ:

Հետևեք մեզ Telegram-ում