Հաստատվել է Հայաստան-Ֆարերյան կղզիներ հանդիպումը սպասարկող մրցավարական անձնակազմը

Ազգերի լիգայի խաղարկության հինգերորդ մրցափուլի Հայաստան- Ֆարերյան կղզիներ հանդիպումը կսպասարկի հունական մրցավարական անձնակազմը։ Այս մասին հայտնում է ՀՖՖ կայքը:

Հանդիպման մրցավար է նշանակվել Թասոս Սիդիրոպուլոսը, մրցավարի օգնականներ՝ Պոլիխրոնիս Կոստարասը և Լազարոս Դիմիտրիադիսը: Հանդիպման չորրորդ պաշտոնյան կլինի Յոանիս Պապադոպուլոսը:

Հայաստան-Ֆարերյան կղզիներ հանդիպումը կկայանա նոյեմբերի 14-ին՝ ժամը 21։00-ին Երևանի Վազգեն Սարգսյանի անվան «Հանրապետական» մարզադաշտում: