Ուրախությամբ տեղեկացնում ենք, որ Fastex-ը աջակցության պատրաստակամություն է հայտնել Armenian Soccer Awards հոբելյանական 10-րդ մրցանակաբաշխության կայացմանը, ինչը նշանակում է, որ այս տարի ևս այն տեղի կունենա:
Armenian Soccer-ը միշտ բարձր է գնահատել Fastex-ի աջակցությունը հայկական ֆուտբոլին: Շնորհակալ ենք, որ նրանք շարունակում են լինել ոչ միայն ֆուտբոլի, այլ նաև այդ ֆուտբոլի զարգացմանը նպաստելու առաքելությամբ հիմնադրված մեր մրցանակաբաշխության կողքին:
Նշենք, որ 2015 թվականից ի վեր Armenian Soccer կայքն անցկացնում է քվեարկություն, որին մասնակցում են մարզական լրատվամիջոցները, հայկական ֆուտբոլային ակումբների, ՀՖՖ-ի ներկայացուցիչները և Armenian Soccer-ի փորձագիտական խումբը: 2023-ին անցկացված 9-րդ մրցանակաբաշխությունը, որի աջակիցներն էին Fastex-ը և «Արարատ» հայկական կոնյակները, ունեցել է 9 անվանակարգ:
Հոբելյանական մրցանակաբաշխության մասին լրացուցիչ տեղեկություններ կհրապարակվեն առաջիկայում:
© Armenian Soccer 2024