«Առաջին խաղի հաշվին չենք նայում». Վարդան Մինասյան

«Արարատ-Արմենիայի» գլխավոր մարզիչ Վարդան Մինասյանը խոսել է «Զիմբրուի» դեմ ԿԼ որակավորման երկրորդ փուլի պատասխան հանդիպման մասին։

«Լրջորեն ենք պատրաստվում այս հանդիպմանը։ Մեզ հեշտ չի տրվել առաջին խաղը, «Զիմբրուն» լավ թիմ է։ Առաջին խաղի հաշվին չենք նայում։ Ցանկանում ենք պատասխան խաղում էլ արդյունքի հասնել։

Փորձելու ենք խաղալ մեր խաղը՝ հիմնվելով մեր ուժեղ կողմերի վրա»,- ասել է Վարդան Մինասյանը։

Հիշեցնենք՝ առաջին խաղում «Արարատ-Արմենիան» 3։0 հաշվով հաղթեց։ Պատասխան խաղը կկայանա այսօր՝ օգոստոսի 1-ին՝ ժամը 19։00-ին։