«Ինտերը» դերբիում զիջել է «Միլանին»

Ա Սերիայի 5-րդ տուրում տեղի է ունեցել միլանյան դերբին․ «Ինտերը» նոմինալ տանտիրոջ կարգավիճակով ընդունել է «Միլանին»:

Հանդիպումն ավարտվել է «Միլանի»՝ 2:1 հաշվով հաղթանակով։

«Ներաձուրիների» կազմում միակ գոլը խփել է Ֆեդերիկո Դիմարկոն, «ռոսսոներիներից» աչքի են ընկել Քրիստիան Պուլիշիչն ու Մատեո Գաբիան:

«Ինտերի» կազմում հանդիպման մեկնարկային րոպեներից խաղադաշտում էր Հենրիխ Մխիթարյանը, որը փոխարինվել է 63-րդ րոպեին։

Դերբիից հետո երկու թիմն էլ ունեն 8 միավոր: