Ֆուտզալի ՀՀ ազգային հավաքականը սկսում է նախապատրաստությունը

Ֆուտզալի ՀՀ ազգային հավաքականը սկսում է նախապատրաստությունը տարվա կարևորագույն հանդիպումներին: Ինչպես հայտնում ՀՖՖ մամուլի ծառայությունից, նոյեմբերի 29-ին՝ Երևանում ՀՖՖ տեխնիկական կենտրոն/ֆուտբոլի ակադեմիայում, մեկնարկեց թիմի մարզական հավաքը։ Մեր ազգային ընտրանին պատրաստվում է ԵՎՐՈ 2022-ի որակավորման փլեյ-օֆֆ փուլի՝ Բուլղարիայի հավաքականի հետ 2 հանդիպումներին, որոնք կկայանան դեկտեմբերի 6-ին և 9-ին՝ Բուլղարիայի Վառնա քաղաքի սպորտի և մշակույթի պալատում:
Ֆուտզալի Հայաստանի ազգային հավաքականը Երևանում կմարզվի մինչև դեկտեմբերի 4-ը, իսկ դեկտեմբերի 5-ին կմեկնի Բուլղարիա։
Թիմի գլխավոր մարզիչ Ռուբեն Նազարեթյանը մարզական հավաքին մասնակցելու համար հրավիրել է հետևյալ ֆուտբոլիստներին՝
Ռոբերտ Բոյարկին — ՄՖԿԱ «Կորպորացիա-ԱՍԻ», Ռուսաստան
Լուան Մյուլլեր Բարբոսա – «Ֆունդաո», Պորտուգալիա
Էրիկ Հարությունյան – ՀՊՏՀ
Արտյոմ Զաքարյան — «Արարատ-Արմենիա»
Սարո Գալստյան — «Լեո»
Անդրանիկ Կարապետյան — «Լեո»
Գարեգին Մաշումյան — «Լեո»
Հակոբ Ուզունյան — «Լեո»
Կելսոն Վինիսիուս — «Բեթուն», Ֆրանսիա
Վիկտոր Դե Սոուզա – «Լյուբավա», Լեհաստան
Էնրիկե Դա Սիլվա — «Բեթուն», Ֆրանսիա
Դավիթ Ասլանյան – «Սիպար», Տաջիկստան
Համլետ Մանուկյան — «Սիբիրյակ» Նովոսիբիրսկ, Ռուսաստան
Սարգիս Մարգարյան — «Բորիսով-900», Բելառուս
Վլադիմիր Սանոսյան – «Դինամո» Սամարա, Ռուսաստան
Արթուր Մելքոնյան – «Ստալիցա», Բելառուս
Ռաֆիկ Բաղդասարյան – «Սիգմա-Կ», Ռուսաստան
Եվս 2 ֆուտբոլիստի՝ հավաքականին միանալ-չմիանալու հարցը կորոշվի մոտ օրերս: