«Ուրարտուի» երբեմնի ավագ ՎահագնԱյվազյանը կրկին վերադարձել է հարազատ ակումբ

ՀՀ բարձրագույն խմբի առաջնության մասնակից Երևանի «Ուրարտու» ֆուտբոլային ակումբը նոր համալրում ունի։ Թիմ է վերադարձել 27-ամյա եզրային պաշտպան Վահագն Այվազյանը։Այս մասին հայտնում են երևանյան ակումբի մամուլի ծառայությունից:
Մրցաշրջանը Այվազյանը մեկնարկել էր հենց «Ուրարտուում» , որի կազմում ընթացիկ մրցաշրջանում անցկացրել էր 2 հանդիպում ու դարձել 1 գոլի հեղինակ։ Այնուհետև Այվազյանը տեղափոխվել էր Օմանը ներկայացնող «Ալ Նասր» ակումբ:
Ձմեռային տրանսֆերային պատուհանի ընթացքում Այվազյանը Հայաստան վերադառնալու որոշում կայացրեց։