Հայաստանի ազգային հավաքականը Ֆրանկֆուրտում է

Հոկտեմբերի 4-ին Հայաստանի ազգային հավաքականը ժամանեց գերմանական Ֆրանկֆուրտ քաղաք, որտեղ կշարունակի նախապատրաստվել FIFA ԱԱ 2022 թվականի որակավորման խմբային փուլի Իսլանդիա-Հայաստան և Ռումինիա-Հայաստան հանդիպումներին։

Ինչպես տեղեկացնում է ՀՖՖ պաշտոնական կայքը՝ մեր թիմը կհանգրվանի Best Western Premier IB հյուրանոցում։

Հոկտեմբերի 4-ի երեկոյան Հայաստանի ազգային հավաքականը առաջին մարզումը կանցկացնի Գերմանիայում, որտեղից հոկտեմբերի 6-ին արդեն չարտերային թռիչքով կմեկնի Իսլանդիա։