Երկու ֆուտբոլիստ հեռացել է «Ուրարտուից»

«Ուրարտու» ֆուտբոլային ակումբը երկկողմ համաձայնությամբ խզել է պայմանագիրը դարպասապահ Անատոլի Այվազովի և որոշել չերկարաձգել պայմանագիրը պաշտպան Պյոտր Տենի հետ։

Այվազովն «Ուրարտու» էր տեղափոխվել 2018/19 մրցաշրջանում։ Այս ընթացքում ֆուտբոլիստը թիմի կազմում մասնակցել է 40 պաշտոնական հանդիպման։

Տենը «Ուրարտուում» էր 2020/21 մրցաշրջանից և հասցրել էր մասնակցել է 41 պաշտոնական հանդիպման։

«Ուրարտուն» շնորհակալություն է հայտնել ֆուտբոլիստներին թիմում անցկացրած տարիների ու ունեցած ելույթների համար և նոր հաղթանակներ մաղթել կարիերայում։