Հայաստանի ազգային հավաքականի ֆուտբոլիստ Վահան Բիչախչյանը շարունակում է իր հիանալի ելույթները լեհական «Պոգոնի» կազմում։
Ներկայացնում ենք Դարիուշ Կուրովսկիի հատուկ, էքսկլուզիվ հարցազրույցը հայ կիսապաշտպանի հետ, որը պատրաստվել է հատուկ Armenian Soccer կայքի համար։
Դուք շատ խոստումնալից մեկնարկ ունեցաք Լեհաստանի առաջնությունում, երբ փետրվարին առաջին երկու խաղերում խփեցիք երկու գոլ:
Ինչպե՞ս եք այժմ ձեզ զգում Լեհաստանում:
Ես ինձ լավ եմ զգում։ Ես երջանիկ եմ, երբ առողջ եմ, երբ կարող եմ խաղալ: Սա ինձ համար ամենակարևորն է։ Սկզբում լավ էր, բայց հետո մի փոքր ոչ այնքան։ Ես պետք է հարգեմ սա, սա ֆուտբոլ է, մեր գործն է, այնպես որ մենք պետք է ամեն օր առավելագույնն անենք, որպեսզի պատրաստ լինենք հաջորդ հնարավորությանը:
Հուսով եմ, որ ապագայում ավելի լավ օրեր կգան։ Ես դեռ աշխատանք ունեմ, բայց այժմ կարող եմ ասել, որ ինձ շատ լավ եմ զգում Լեհաստանում։
Եթե ճիշտ եմ հասկացել, դուք ակնկալում եք ավելի շատ խաղալ մեկնարկային կազմում։
Այո, իհարկե, հաստատ։ Յուրաքանչյուր խաղացող ցանկանում է խաղալ մեկնարկային կազմում։ Երբեմն ամեն ինչ չի ընթանում այնպես, ինչպես մենք կցանկանայինք: Դու պետք է քրտնաջան աշխատես, սպասես քո հնարավորությանը: Բայց դու գիտես, որ ֆուտբոլում խաղում են տասնմեկ խաղացողներ, բայց նաև շատ խաղացողներ ցանկանում են խաղալ, բոլորը ցանկանում են խաղալ, ցույց տալ իրենց: Երբեմն ամեն ինչ լավ է ընթանում, ինչպես ուզում ես, երբեմն ոչ այնպես, ինչպես սպասում ես։
Բայց դու պետք է համբերես, դու պետք է պատրաստ լինես: Սա ամենակարևորն է, քանի որ չգիտես, թե երբ քեզ հնարավորություն կտան։ Այնպես որ, հուսով եմ, որ ամեն ինչ լավ կլինի, և «Պոգոնում» իմ լավագույն օրերը կգան։
Երբ ես դիտում էի «Պոգոնի» կազմում քո խաղերը, դու նույն կերպ անում էիր հնարավոր ամեն ինչ թիմի համար, չնայած նրան խաղում էիր ընդամենը մի քանի րոպե, թե իննսուն րոպե:
Այո, այդպես է, բայց ես միշտ ավելին եմ ուզում ինքս ինձնից: Եթե ես լավ եմ խաղում, դա լավ է: Բայց ես միշտ ավելին եմ ուզում։ Ես վերլուծում եմ, փորձում եմ գտնել, թե ինչպես կարող եմ ավելի լավը դառնալ: Սահման չկա, սա սպորտ է, ֆուտբոլ է։
Ամեն անգամ կարող ես նույնիսկ ավելի լավ խաղալ, երբեք կանգ չառնել, նույնիսկ եթե մի քանի գնդակ ես խփել:
Պետք է փորձես բարելավվել, բարելավվել, բարելավվել:
Կարիերան այնքան կարճ է, որ մենք պետք է վայելենք յուրաքանչյուր խաղ, յուրաքանչյուր իրավիճակ, նույնիսկ իննսուն րոպեից տասը րոպե, քանի որ մի օր մենք չափազանց ծեր կլինենք և ստիպված կլինենք ասել “ցտեսություն” ֆուտբոլին: Այնպես որ, հիմա փորձեք վայելել ամեն րոպեն, անել ամեն ինչ, որպեսզի կարողանաք օգնել թիմին։ Շչեցինում առաջին օրվանից ինձ ընտանիքի անդամ եմ զգում։ «Պոգոնն» ավելի ու ավելիին է արժանի: Այնպես, որ ես կփորձեմ ու կանեմ և վստահ եմ, որ «Պոգոնի» լավագույն օրերն առջևում են։
Դուք եկել եք այս ակումբ հատուկ պահի։ Մի քանի շաբաթ առաջ բացվեց նոր մարզադաշտը, և մթնոլորտն այնտեղ հիանալի է։
Հենց այդպես է։ Ակումբի բոլոր մարդիկ այստեղ գտնվելուս առաջին իսկ օրվանից ինձ եղբայրներ են դարձել։ Մենք բոլորս միասին ենք, ինչպես մեծ ընտանիքը: Նոր մարզադաշտում մթնոլորտը ֆանտաստիկ է։ Մարզչական շտաբը, ակումբի նախագահը, մարզական տնօրենը, բոլորն անում են ամեն ինչ, որպեսզի օգնեն մեզ, որպեսզի ամեն շաբաթ հարյուր տոկոսով պատրաստ լինենք: Ֆուտբոլում վատն ու լավը միշտ հիսուն-հիսուն են: Երբեմն կարելի է հաղթել, երբեմն կարելի է պարտվել։ Բայց ամենակարևորն այն է, որ մենք ամեն օր քրտնաջան աշխատում ենք և առաջ ու միայն առաջ ենք նայում: Մենք ունենք ուժեղ թիմ, լավ թիմակիցներ, շրջապատի լավ մարդիկ, այնպես որ պետք է հնարավորին չափ արագ դուրս գանք բացասական իրավիճակներից և առաջ նայենք։
«Պոգոնը» կցանկանար առաջին անգամ դառնալ Լեհաստանի չեմպիոն։ Դա իրատեսական է:
Ինչու ոչ: Մենք լավ խաղացողներ ունենք, ունենք այն որակը, որով կարող ենք պայքարել չեմպիոնության համար։ Ինչպես ասացի, «Պոգոնի» լավագույն օրերը դեռ կգան. Վստահ եմ: «Պոգոնը» չունի գավաթներ կամ տիտղոսներ, այնպես որ մենք կարող ենք լինել առաջինը, որոնք կստեղծեն պատմություն, որոնք բոլորին կուրախացնեն Շչեցինում:
©2022 Armenian Soccer