«Արարատը» պարտվեց «Շիրակին»

Միջազգային դադարի ընթացքում Երևանի «Արարատը» ստուգողական հանդիպումներ էր պլանավորել:

Այսօր Գյումրիի «Քաղաքային» մարզադաշտում Վարդան Բիչախչյանի թիմը հանդիպեց նախկին թիմի՝ «Շիրակի» հետ: Հանդիպումն ավարտվեց «Շիրակի» հաղթանակով՝ նվազագույն՝ 1։0 հաշվով։ Միակ գոլը հեղինակեց Դավիթ Ղանդիլյանը խաղի 47-րդ րոպեին։

Հիշեցնենք, որ հոկտեմբերի 9-ին «Արարատը» ևս մեկ ստուգողական հանդիպում է անցկացնելու։ Ավանի ֆուտբոլի ակադեմիայում թիմը կեսօրին կմրցի «Փյունիկի» հետ։